Mahirap talagang maglaan ng panahon para magsulat, sa dami kasi ng pinagkaka-abalahan  sa araw-araw. Pero napakabilis ng panahon at mabilis din ang pagbabago ng mga bagay-bagay sa ating kapaligiran, mga istraktura, mga kalsada, mga kaiga-igayang teknolohiya  hanggang sa mga bagong estilo ng mga pulitiko. Hindi natin mapipigilan ang panahon kasabay ng pagtanda natin, kaya naisipan kong magsulat tungkol sa mahal kong bayan ng Aguilar.  Nakakatuwang isipin at pagnilayan ang mga payak na pangyayari at tungkol sa mga ordinaryong tao at mga bagay na di pansinin ng marami, dahil sa tingin ko ito’y mas makabuluhan.